ਹੋਮ ਕੇਅਰ ਲਈ ਮਨਜ਼ੂਰੀ ਮਿਲ ਚੁੱਕੀ ਹੈ? ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਵਿੱਚ ਤੁਸੀਂ ਖ਼ੁਦ ਚੁਣਦੇ ਹੋ ਕਿ ਦੇਖਭਾਲ ਕੌਣ ਕਰੇਗਾ।
ਤੁਹਾਡੇ ਹੋਮ ਕੇਅਰ ਕੇਸ ਮੈਨੇਜਰ (Assisted Living Alberta, ਪਹਿਲਾਂ AHS Home Care) ਤੁਹਾਡੀਆਂ ਲੋੜਾਂ ਦੀ ਅਸੈੱਸਮੈਂਟ ਕਰਦੇ ਹਨ ਅਤੇ ਤੁਹਾਡੇ ਘੰਟੇ ਮਨਜ਼ੂਰ ਕਰਦੇ ਹਨ। ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਵਿੱਚ ਹੋਮ ਕੇਅਰ ਏਜੰਸੀ ਤੁਸੀਂ ਖ਼ੁਦ ਚੁਣਦੇ ਹੋ। #1 Right Care ਨੂੰ ਚੁਣੋ: ਅਜਿਹਾ ਕੇਅਰਗਿਵਰ ਜੋ ਤੁਹਾਡੇ ਪਰਿਵਾਰ ਅਤੇ ਤੁਹਾਡੇ ਸ਼ਡਿਊਲ ਨਾਲ ਮੇਲ ਖਾਂਦਾ ਹੋਵੇ ਅਤੇ ਤੁਹਾਡੀ ਬੋਲੀ ਬੋਲਦਾ ਹੋਵੇ — ਅਤੇ ਜੋ ਮਨਜ਼ੂਰ ਹੋਈ ਦੇਖਭਾਲ ਅਸੀਂ ਦਿੰਦੇ ਹਾਂ, ਉਸ ਦਾ ਬਿੱਲ ਅਸੀਂ ਸਿੱਧਾ Alberta Blue Cross ਨੂੰ ਭੇਜਦੇ ਹਾਂ। ਅਜੇ ਅਸੈੱਸਮੈਂਟ ਨਹੀਂ ਹੋਈ? ਅਸੀਂ ਤੁਹਾਨੂੰ ਅਗਲੇ ਕਦਮ ਸਮਝਾ ਦੇਵਾਂਗੇ।
ਤਿੰਨ ਕਦਮ — ਅਤੇ ਤੀਜਾ ਕਦਮ ਸਾਡੇ ਜ਼ਿੰਮੇ
ਤੁਸੀਂ ਹੋਮ ਕੇਅਰ ਅਸੈੱਸਮੈਂਟ (ਲੋੜਾਂ ਦੀ ਜਾਂਚ) ਕਰਵਾਉਂਦੇ ਹੋ
ਸਾਨੂੰ 587.443.1888 'ਤੇ ਫ਼ੋਨ ਕਰੋ, ਅਸੀਂ ਤੁਹਾਨੂੰ ਰਾਹ ਦੱਸਾਂਗੇ। ਜਾਂ ਫਿਰ ਆਪਣੇ ਇਲਾਕੇ ਦੀ ਹੋਮ ਕੇਅਰ ਇਨਟੇਕ ਲਾਈਨ 'ਤੇ ਫ਼ੋਨ ਕਰੋ (ਨੰਬਰ ਹੇਠਾਂ ਦਿੱਤੇ ਹਨ)। ਹੋਮ ਕੇਅਰ ਲਈ ਤੁਸੀਂ ਖ਼ੁਦ ਫ਼ੋਨ ਕਰ ਸਕਦੇ ਹੋ — ਡਾਕਟਰ ਦੇ ਰੈਫ਼ਰਲ ਦੀ ਲੋੜ ਨਹੀਂ। ਤੁਹਾਨੂੰ ਕਿੰਨੇ ਘੰਟੇ ਮਿਲਣਗੇ, ਅਤੇ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਤੁਹਾਡੇ ਲਈ ਠੀਕ ਹੈ ਜਾਂ ਨਹੀਂ, ਇਸ ਦਾ ਫ਼ੈਸਲਾ ਤੁਹਾਡੇ ਕੇਸ ਮੈਨੇਜਰ ਕਰਦੇ ਹਨ — ਤੁਸੀਂ ਉਨ੍ਹਾਂ ਤੋਂ CDHCI ਮੰਗ ਸਕਦੇ ਹੋ। CDHCI ਲਈ ਮਨਜ਼ੂਰੀ ਮਿਲ ਚੁੱਕੀ ਹੈ? ਸਿੱਧਾ ਕਦਮ 2 'ਤੇ ਜਾਓ।
ਤੁਸੀਂ #1 Right Care ਨੂੰ ਚੁਣਦੇ ਹੋ
ਜਦੋਂ ਤੁਹਾਡੇ ਕੇਸ ਮੈਨੇਜਰ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ ਮਨਜ਼ੂਰ ਕਰ ਦਿੰਦੇ ਹਨ, ਤਾਂ Alberta Blue Cross ਤੁਹਾਨੂੰ ਇੱਕ ਚਿੱਠੀ ਭੇਜਦਾ ਹੈ, ਜਿਸ ਵਿੱਚ ਤੁਹਾਡੇ ਘੰਟੇ ਅਤੇ ਸ਼ੁਰੂਆਤ ਦੀ ਤਾਰੀਖ਼ ਲਿਖੀ ਹੁੰਦੀ ਹੈ। #1 Right Care ਨੂੰ ਚੁਣੋ — Alberta Blue Cross ਦੇ ਹੋਮ ਕੇਅਰ ਏਜੰਸੀਆਂ ਵਾਲੇ ਨਕਸ਼ੇ 'ਤੇ ਅਸੀਂ “# 1 Right Care” ਨਾਂ ਨਾਲ ਦਰਜ ਹਾਂ — ਅਤੇ ਉਹ ਚਿੱਠੀ ਸਾਨੂੰ ਭੇਜ ਦਿਓ। ਪੱਕਾ ਪਤਾ ਨਹੀਂ ਕਿ ਆਪਣੇ ਕੇਸ ਮੈਨੇਜਰ ਤੋਂ ਕੀ ਪੁੱਛਣਾ ਹੈ? ਹੇਠਾਂ ਦਿੱਤਾ ਫ਼ਾਰਮ ਭਰ ਕੇ ਸਾਨੂੰ ਭੇਜੋ, ਅਤੇ ਤੁਹਾਡੇ ਫ਼ੋਨ ਕਰਨ ਤੋਂ ਪਹਿਲਾਂ ਅਸੀਂ ਤੁਹਾਨੂੰ ਸਮਝਾ ਦੇਵਾਂਗੇ।
ਅਸੀਂ ਬਿੱਲ ਸਿੱਧਾ Blue Cross ਨੂੰ ਭੇਜਦੇ ਹਾਂ
ਅਸੀਂ Alberta Blue Cross ਨੂੰ ਸਿਰਫ਼ ਉਸ ਮਨਜ਼ੂਰ ਹੋਈ ਦੇਖਭਾਲ ਦਾ ਬਿੱਲ ਭੇਜਦੇ ਹਾਂ ਜੋ ਅਸੀਂ ਦਿੰਦੇ ਹਾਂ, ਅਤੇ ਹਰ ਕਲੇਮ ਸਟੇਟਮੈਂਟ ਦੀ ਇੱਕ ਕਾਪੀ ਤੁਹਾਨੂੰ ਦਿੰਦੇ ਹਾਂ। ਮਨਜ਼ੂਰ ਹੋਈ ਦੇਖਭਾਲ ਕਿਵੇਂ ਹੋਵੇ, ਇਹ ਤੁਸੀਂ ਤੈਅ ਕਰਦੇ ਹੋ; ਬਿੱਲਾਂ ਦਾ ਕੰਮ ਅਸੀਂ ਸੰਭਾਲਦੇ ਹਾਂ।
ਹੋਮ ਕੇਅਰ ਇਨਟੇਕ ਲਾਈਨਾਂ — ਅਸੈੱਸਮੈਂਟ ਮੰਗਣ ਲਈ ਇਨ੍ਹਾਂ ਵਿੱਚੋਂ ਕਿਸੇ ਇੱਕ ਨੰਬਰ 'ਤੇ ਫ਼ੋਨ ਕਰੋ:
- ਐਡਮਿੰਟਨ ਇਲਾਕਾ — 780-496-1300
- ਕੈਲਗਰੀ ਇਲਾਕਾ — 403-943-1920 ਜਾਂ ਟੋਲ-ਫ਼੍ਰੀ 1-888-943-1920
- ਰੈੱਡ ਡੀਅਰ ਅਤੇ ਸੈਂਟਰਲ ਅਲਬਰਟਾ — 1-855-371-4122
- ਲੈਥਬ੍ਰਿਜ ਇਲਾਕਾ — 403-388-6380 ਜਾਂ ਟੋਲ-ਫ਼੍ਰੀ 1-866-388-6380
ਪੱਕਾ ਪਤਾ ਨਹੀਂ ਕਿ ਕਿਹੜੇ ਨੰਬਰ 'ਤੇ ਫ਼ੋਨ ਕਰਨਾ ਹੈ, ਜਾਂ ਕੀ ਕਹਿਣਾ ਹੈ? ਪਹਿਲਾਂ ਸਾਨੂੰ 587.443.1888 'ਤੇ ਫ਼ੋਨ ਕਰੋ। ਅਲਬਰਟਾ ਵਿੱਚ ਤੁਸੀਂ ਕਿਤੇ ਵੀ ਹੋਵੋ, 811 (Health Link) 'ਤੇ ਫ਼ੋਨ ਕਰਕੇ ਵੀ ਤੁਸੀਂ ਹੋਮ ਕੇਅਰ ਨਾਲ ਜੁੜ ਸਕਦੇ ਹੋ।
ਪਰਿਵਾਰ ਸਾਨੂੰ ਕਿਉਂ ਚੁਣਦੇ ਹਨ
- ਇੱਕ ਅਸਲੀ ਕੋਆਰਡੀਨੇਟਰ, ਕਾਲ ਸੈਂਟਰ ਨਹੀਂ। ਇੱਕੋ ਇਨਸਾਨ ਤੁਹਾਡੀ ਫ਼ਾਈਲ, ਤੁਹਾਡੇ ਕੇਅਰਗਿਵਰ ਅਤੇ ਤੁਹਾਡੇ ਪਰਿਵਾਰ ਨੂੰ ਜਾਣਦਾ ਹੈ।
- ਤੁਹਾਡੀ ਬੋਲੀ ਅਤੇ ਸੁਭਾਅ ਨਾਲ ਮੇਲ ਖਾਂਦਾ ਕੇਅਰਗਿਵਰ। ਪੰਜਾਬੀ, ਹਿੰਦੀ, ਟੈਗਾਲੋਗ, ਸਪੈਨਿਸ਼, ਅਰਬੀ, ਫ੍ਰੈਂਚ ਅਤੇ ਹੋਰ ਵੀ — ਸਾਨੂੰ ਦੱਸੋ ਕਿ ਤੁਸੀਂ ਕਿਹੜੀ ਬੋਲੀ ਬੋਲਦੇ ਹੋ।
- ਤੁਹਾਡੇ ਮਨਜ਼ੂਰ ਹੋਏ ਘੰਟੇ, ਤੁਹਾਡੇ ਸ਼ਡਿਊਲ ਮੁਤਾਬਕ। ਨਿੱਜੀ ਦੇਖਭਾਲ, ਅਤੇ ਦਿਨ, ਸ਼ਾਮ ਜਾਂ ਸਾਰੀ ਰਾਤ ਦੀ ਰੈਸਪਿਟ ਕੇਅਰ (ਪਰਿਵਾਰ ਲਈ ਰਾਹਤ)। ਘਰ ਦਾ ਕੰਮਕਾਜ ਵੀ, ਜੇ ਤੁਹਾਡੇ ਕੇਸ ਮੈਨੇਜਰ ਨੇ ਉਸ ਨੂੰ ਸ਼ਾਮਲ ਕੀਤਾ ਹੋਵੇ।
- ਉਸੇ ਦਿਨ ਬਦਲਾਅ ਦੀ ਗੁੰਜਾਇਸ਼। ਅੱਜ ਨਹਾਉਣ ਦਾ ਮਨ ਨਹੀਂ? ਤੁਹਾਡਾ ਕੇਅਰਗਿਵਰ ਉਸ ਦੀ ਥਾਂ ਦੇਖਭਾਲ ਦੇ ਕਿਸੇ ਹੋਰ ਕੰਮ ਵਿੱਚ ਮਦਦ ਕਰ ਸਕਦਾ ਹੈ ਜੋ ਤੁਹਾਡੇ ਮਨਜ਼ੂਰ ਹੋਏ ਕੇਅਰ ਪਲੈਨ ਵਿੱਚ ਸ਼ਾਮਲ ਹੋਵੇ, ਜਿਵੇਂ ਕੱਪੜੇ ਪਾਉਣ ਜਾਂ ਕਸਰਤ ਕਰਨ ਵਿੱਚ। ਤੁਹਾਡੇ ਕੇਸ ਮੈਨੇਜਰ ਵੱਲੋਂ ਮਨਜ਼ੂਰ ਕੀਤੀ ਦੇਖਭਾਲ ਅਤੇ ਘੰਟਿਆਂ ਦੇ ਅੰਦਰ ਰਹਿ ਕੇ, ਹਰ ਵਿਜ਼ਿਟ ਵਿੱਚ ਕੀ ਹੋਵੇ, ਇਹ ਤੁਸੀਂ ਤੈਅ ਕਰਦੇ ਹੋ।
ਤੁਹਾਨੂੰ ਹੋਮ ਕੇਅਰ ਕਿਹੜੇ ਫੰਡਿੰਗ ਤਰੀਕੇ ਨਾਲ ਮਿਲ ਰਹੀ ਹੈ?
ਤਰੀਕਾ ਕੋਈ ਵੀ ਹੋਵੇ, ਤੁਸੀਂ ਯੋਗ ਹੋ ਜਾਂ ਨਹੀਂ ਅਤੇ ਕਿੰਨੇ ਘੰਟੇ ਮਿਲਣਗੇ, ਇਸ ਦਾ ਫ਼ੈਸਲਾ ਤੁਹਾਡੇ ਕੇਸ ਮੈਨੇਜਰ ਕਰਦੇ ਹਨ। ਪਰ ਇਹ ਗੱਲ ਬਦਲ ਸਕਦੀ ਹੈ ਕਿ ਤੁਹਾਡੀ ਦੇਖਭਾਲ ਕੌਣ ਕਰਦਾ ਹੈ। ਅਲਬਰਟਾ ਵਿੱਚ ਮੁੱਖ ਤਰੀਕੇ ਇਹ ਹਨ:
ਤੁਹਾਡੇ ਕੇਸ ਮੈਨੇਜਰ ਵੱਲੋਂ ਕੀਤਾ ਪ੍ਰਬੰਧ
ਤੁਹਾਡੀ ਦੇਖਭਾਲ ਜਾਂ ਤਾਂ ਹੋਮ ਕੇਅਰ ਵਾਲਿਆਂ ਦਾ ਆਪਣਾ ਸਟਾਫ਼ ਕਰਦਾ ਹੈ, ਜਾਂ ਕੋਈ ਅਜਿਹੀ ਏਜੰਸੀ ਕਰਦੀ ਹੈ ਜਿਸ ਨਾਲ ਹੋਮ ਕੇਅਰ ਵਾਲਿਆਂ ਦਾ ਕੰਟਰੈਕਟ ਹੋਵੇ। ਏਜੰਸੀ ਤੁਸੀਂ ਨਹੀਂ ਚੁਣਦੇ, ਅਤੇ ਆਮ ਤੌਰ 'ਤੇ ਕੇਅਰਗਿਵਰ ਵੀ ਨਹੀਂ।
ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ — CDHCI (ਇਹ ਪੰਨਾ ਇਸੇ ਬਾਰੇ ਹੈ)
ਤੁਸੀਂ Alberta Blue Cross ਨਾਲ ਰਜਿਸਟਰਡ ਕੋਈ ਹੋਮ ਕੇਅਰ ਏਜੰਸੀ ਚੁਣਦੇ ਹੋ — ਜਿਵੇਂ ਕਿ #1 Right Care — ਅਤੇ ਉਹ ਏਜੰਸੀ ਤੁਹਾਡੇ ਮਨਜ਼ੂਰ ਹੋਏ ਘੰਟਿਆਂ ਦਾ ਬਿੱਲ Alberta Blue Cross ਨੂੰ ਭੇਜਦੀ ਹੈ। ਦੇਖਭਾਲ ਕਦੋਂ ਅਤੇ ਕਿਵੇਂ ਹੋਵੇ, ਇਹ ਤੁਸੀਂ ਤੈਅ ਕਰਦੇ ਹੋ; ਘੰਟੇ ਫਿਰ ਵੀ ਤੁਹਾਡੇ ਕੇਸ ਮੈਨੇਜਰ ਹੀ ਤੈਅ ਕਰਦੇ ਹਨ।
ਖ਼ੁਦ ਪ੍ਰਬੰਧ (ਸੈਲਫ਼-ਮੈਨੇਜਡ)
ਫੰਡਿੰਗ ਦਾ ਪੈਸਾ ਤੁਹਾਨੂੰ ਮਿਲਦਾ ਹੈ ਅਤੇ ਦੇਖਭਾਲ ਦਾ ਪ੍ਰਬੰਧ ਤੁਸੀਂ ਖ਼ੁਦ ਕਰਦੇ ਹੋ — ਸਟਾਫ਼ ਆਪ ਰੱਖ ਕੇ ਜਾਂ ਕਿਸੇ ਏਜੰਸੀ ਨਾਲ ਕੰਟਰੈਕਟ ਕਰਕੇ — ਅਤੇ ਇਹ ਪੈਸਾ ਕਿਵੇਂ ਖ਼ਰਚਿਆ ਗਿਆ, ਇਸ ਦਾ ਹਿਸਾਬ ਵੀ ਤੁਸੀਂ ਦਿੰਦੇ ਹੋ।
ਪਰਿਵਾਰ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ ਵੱਲ ਕਿਉਂ ਆਉਂਦੇ ਹਨ
ਪਰਿਵਾਰ ਕਈ ਕਾਰਨਾਂ ਕਰਕੇ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ ਮੰਗਦੇ ਹਨ:
- ਆਪਣੀ ਹੋਮ ਕੇਅਰ ਏਜੰਸੀ ਖ਼ੁਦ ਚੁਣਨਾ। ਅਜਿਹੇ ਕੇਅਰਗਿਵਰ ਜੋ ਤੁਹਾਡੀ ਬੋਲੀ ਬੋਲਦੇ ਹੋਣ ਅਤੇ ਤੁਹਾਡੇ ਸੱਭਿਆਚਾਰ ਨੂੰ ਸਮਝਦੇ ਹੋਣ।
- ਸ਼ਡਿਊਲ ਬਾਰੇ ਤੁਹਾਡੀ ਮਰਜ਼ੀ ਵੱਧ ਚੱਲਦੀ ਹੈ। ਆਪਣੇ ਕੇਅਰ ਪਲੈਨ ਦੇ ਅੰਦਰ ਰਹਿ ਕੇ, ਦੇਖਭਾਲ ਕਦੋਂ ਅਤੇ ਕਿਵੇਂ ਹੋਵੇ, ਇਹ ਤੁਸੀਂ ਖ਼ੁਦ ਤੈਅ ਕਰਦੇ ਹੋ, ਉਹ ਵੀ ਸੈਲਫ਼-ਮੈਨੇਜਡ ਕੇਅਰ ਦਾ ਕੰਟਰੈਕਟ ਆਪਣੇ ਸਿਰ ਲਏ ਬਿਨਾਂ।
- ਉਹ ਦੇਖਭਾਲ ਜੋ ਆਮ ਪ੍ਰਬੰਧ ਨਾਲ ਸੌਖਿਆਂ ਪੂਰੀ ਨਹੀਂ ਹੁੰਦੀ। ਥੋੜ੍ਹੇ ਸਮੇਂ ਲਈ ਜ਼ਿਆਦਾ ਦੇਖਭਾਲ ਦੀ ਲੋੜ, ਹਸਪਤਾਲ ਤੋਂ ਘਰ ਵਾਪਸੀ, ਕੰਟੀਨਿਊਇੰਗ ਕੇਅਰ (ਕੇਅਰ ਹੋਮ ਜਾਂ ਸਪੋਰਟਿਵ ਲਿਵਿੰਗ) ਵਿੱਚ ਥਾਂ ਮਿਲਣ ਦੀ ਉਡੀਕ, ਜ਼ਿੰਦਗੀ ਦੇ ਆਖ਼ਰੀ ਦਿਨਾਂ ਦੀ ਦੇਖਭਾਲ, ਰਾਤ ਵੇਲੇ ਦੀਆਂ ਲੋੜਾਂ, ਜਾਂ ਅਜਿਹੀ ਥਾਂ ਰਹਿਣਾ ਜਿੱਥੇ ਹੋਮ ਕੇਅਰ ਸੇਵਾਵਾਂ ਦਾ ਪ੍ਰਬੰਧ ਕਰਨਾ ਔਖਾ ਹੋਵੇ।
- ਪਰਿਵਾਰ ਲਈ ਸੁਖ ਦਾ ਸਾਹ। ਰੈਸਪਿਟ ਕੇਅਰ (ਪਰਿਵਾਰ ਲਈ ਰਾਹਤ), ਜਿਸ ਨਾਲ ਸੰਭਾਲ ਕਰ ਰਹੇ ਪਰਿਵਾਰ ਵਾਲਿਆਂ ਨੂੰ ਚੱਜ ਦਾ ਆਰਾਮ ਮਿਲੇ।
- ਬਦਲਣ ਦੀ ਖੁੱਲ੍ਹ। CDHCI ਅਧੀਨ ਤੁਸੀਂ ਕਿਸੇ ਵੀ ਵੇਲੇ ਆਪਣੀ ਹੋਮ ਕੇਅਰ ਏਜੰਸੀ ਬਦਲ ਸਕਦੇ ਹੋ।
ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਤੁਹਾਡੇ ਹਾਲਾਤ ਲਈ ਠੀਕ ਹੈ ਜਾਂ ਨਹੀਂ, ਅਤੇ ਤੁਹਾਨੂੰ ਕਿੰਨੇ ਘੰਟੇ ਮਨਜ਼ੂਰ ਹੋਣਗੇ, ਇਸ ਦਾ ਫ਼ੈਸਲਾ ਤੁਹਾਡੇ ਕੇਸ ਮੈਨੇਜਰ ਕਰਦੇ ਹਨ। ਇਹ ਉਨ੍ਹਾਂ ਲੋਕਾਂ ਲਈ ਹੈ ਜੋ ਆਪਣੇ ਘਰ ਵਿੱਚ ਰਹਿੰਦੇ ਹਨ — ਸੀਨੀਅਰਜ਼ ਲੌਜ, ਅਸਿਸਟਿਡ ਜਾਂ ਸਪੋਰਟਿਵ ਲਿਵਿੰਗ, ਜਾਂ ਗਰੁੱਪ ਹੋਮ ਵਿੱਚ ਆਮ ਤੌਰ 'ਤੇ ਇਹ ਸਹੂਲਤ ਨਹੀਂ ਮਿਲਦੀ। ਨਾਲ ਹੀ, ਜ਼ਰੂਰੀ ਹੈ ਕਿ ਦੇਖਭਾਲ ਕਿਵੇਂ ਹੋਵੇ, ਇਹ ਤੁਸੀਂ ਖ਼ੁਦ ਤੈਅ ਕਰ ਸਕੋ, ਜਾਂ ਤੁਹਾਡਾ ਚੁਣਿਆ ਹੋਇਆ ਕੋਈ ਜਣਾ (ਜਿਵੇਂ ਪਰਿਵਾਰ ਦਾ ਕੋਈ ਜੀਅ) ਤੈਅ ਕਰ ਸਕੇ।
ਕੇਅਰਗਿਵਰ ਦੇ ਨਾ ਆਉਣ, ਐਨ ਮੌਕੇ 'ਤੇ ਵਿਜ਼ਿਟ ਕੈਂਸਲ ਹੋਣ, ਜਾਂ ਹਰ ਹਫ਼ਤੇ ਨਵੇਂ ਚਿਹਰੇ ਤੋਂ ਅੱਕ ਗਏ ਹੋ?
ਪਹਿਲਾਂ ਹੀ CDHCI ਅਧੀਨ ਦੇਖਭਾਲ ਮਿਲ ਰਹੀ ਹੈ? ਪ੍ਰੋਗਰਾਮ ਦੇ ਨਿਯਮਾਂ ਮੁਤਾਬਕ ਤੁਸੀਂ ਕਿਸੇ ਵੀ ਵੇਲੇ ਆਪਣੀ ਹੋਮ ਕੇਅਰ ਏਜੰਸੀ ਬਦਲ ਸਕਦੇ ਹੋ। ਜੇ ਇਸ ਵੇਲੇ ਤੁਹਾਡੀ ਦੇਖਭਾਲ ਦਾ ਪ੍ਰਬੰਧ ਤੁਹਾਡੇ ਕੇਸ ਮੈਨੇਜਰ ਕਰਦੇ ਹਨ, ਤਾਂ ਉਨ੍ਹਾਂ ਤੋਂ ਪੁੱਛੋ ਕਿ ਕੀ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ ਤੁਹਾਡੇ ਲਈ ਠੀਕ ਹੈ — ਫ਼ੈਸਲਾ ਉਨ੍ਹਾਂ ਦਾ ਹੀ ਹੁੰਦਾ ਹੈ। ਦੋਵਾਂ ਹਾਲਤਾਂ ਵਿੱਚ, ਆਪਣੇ ਕੇਸ ਮੈਨੇਜਰ ਨੂੰ ਫ਼ੋਨ ਤੁਸੀਂ ਖ਼ੁਦ ਕਰਦੇ ਹੋ। ਅਸੀਂ ਉਸ ਕਾਲ ਦੀ ਤਿਆਰੀ ਵਿੱਚ ਤੁਹਾਡੀ ਮਦਦ ਕਰਾਂਗੇ, ਅਤੇ ਜਿਉਂ ਹੀ ਤੁਹਾਡੀ ਮਨਜ਼ੂਰੀ ਪੱਕੀ ਹੋ ਜਾਵੇ, ਅਸੀਂ ਸ਼ੁਰੂ ਕਰਨ ਲਈ ਤਿਆਰ ਹਾਂ।
- ਹਰ ਵਿਜ਼ਿਟ 'ਤੇ ਉਹੀ ਕੇਅਰਗਿਵਰ, ਨਾਲ ਇੱਕ ਬਦਲਵਾਂ ਕੇਅਰਗਿਵਰ ਜੋ ਤੁਹਾਡਾ ਰੁਟੀਨ ਜਾਣਦਾ ਹੈ — ਸਾਰੀ ਗੱਲ ਹੀ ਇੱਕਸਾਰ ਦੇਖਭਾਲ ਦੀ ਹੈ।
- ਇੱਕ ਕੋਆਰਡੀਨੇਟਰ ਜੋ ਫ਼ੋਨ ਚੁੱਕਦਾ ਹੈ ਅਤੇ ਹਰ ਵਿਜ਼ਿਟ ਪੱਕੀ ਕਰਦਾ ਹੈ।
- ਤੁਹਾਡੇ ਫ਼ੋਨ ਕਰਨ ਤੋਂ ਪਹਿਲਾਂ ਅਸੀਂ ਸਮਝਾ ਦਿੰਦੇ ਹਾਂ ਕਿ ਆਪਣੇ ਕੇਸ ਮੈਨੇਜਰ ਤੋਂ ਕੀ ਪੁੱਛਣਾ ਹੈ।
ਦੋ ਮਿੰਟਾਂ ਵਿੱਚ #1 Right Care ਨੂੰ ਚੁਣੋ
ਆਪਣੀ ਜਾਣਕਾਰੀ ਭਰੋ, ਅਤੇ ਸਾਡਾ ਇੱਕ ਕੋਆਰਡੀਨੇਟਰ ਇੱਕ ਘੰਟੇ ਦੇ ਅੰਦਰ ਤੁਹਾਨੂੰ ਵਾਪਸ ਫ਼ੋਨ ਕਰੇਗਾ (ਦਫ਼ਤਰ ਦੇ ਸਮੇਂ ਦੌਰਾਨ)। ਅਸੀਂ ਤੁਹਾਡੇ ਨਾਲ ਮਿਲ ਕੇ ਤੁਹਾਡੀ ਮਨਜ਼ੂਰੀ ਦੀ ਚਿੱਠੀ ਅਤੇ ਕੇਅਰ ਪਲੈਨ ਦੇਖਾਂਗੇ, ਅਤੇ ਜਿਉਂ ਹੀ ਤੁਹਾਡੀ CDHCI ਮਨਜ਼ੂਰੀ ਪੱਕੀ ਹੋ ਜਾਵੇ, ਪਹਿਲੀ ਵਿਜ਼ਿਟ ਤੈਅ ਕਰਾਂਗੇ। ਕੋਈ ਮਜਬੂਰੀ ਨਹੀਂ।
ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਕੀ ਹੈ?
ਇਹ ਸਰਕਾਰੀ ਫੰਡ ਵਾਲੀ ਹੋਮ ਕੇਅਰ ਦਾ ਇੱਕ ਤਰੀਕਾ ਹੈ। ਤੁਹਾਡੇ ਹੋਮ ਕੇਅਰ ਕੇਸ ਮੈਨੇਜਰ ਤੁਹਾਡੀਆਂ ਲੋੜਾਂ ਦੀ ਅਸੈੱਸਮੈਂਟ ਕਰਦੇ ਹਨ, ਤੁਹਾਡੇ ਘੰਟੇ ਮਨਜ਼ੂਰ ਕਰਦੇ ਹਨ, ਅਤੇ ਇਹ ਫ਼ੈਸਲਾ ਕਰਦੇ ਹਨ ਕਿ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਤੁਹਾਡੇ ਲਈ ਠੀਕ ਹੈ ਜਾਂ ਨਹੀਂ। ਫਿਰ ਤੁਸੀਂ Alberta Blue Cross ਨਾਲ ਰਜਿਸਟਰਡ ਕੋਈ ਹੋਮ ਕੇਅਰ ਏਜੰਸੀ ਚੁਣਦੇ ਹੋ, ਅਤੇ ਉਹ ਏਜੰਸੀ ਬਿੱਲ ਸਿੱਧਾ Alberta Blue Cross ਨੂੰ ਭੇਜਦੀ ਹੈ। ਮਨਜ਼ੂਰ ਹੋਈ ਦੇਖਭਾਲ ਕਿਵੇਂ ਹੋਵੇ, ਇਹ ਤੁਸੀਂ ਤੈਅ ਕਰਦੇ ਹੋ, ਜਾਂ ਤੁਹਾਡਾ ਚੁਣਿਆ ਹੋਇਆ ਕੋਈ ਜਣਾ, ਜਿਵੇਂ ਪਰਿਵਾਰ ਦਾ ਕੋਈ ਜੀਅ, ਤੈਅ ਕਰਦਾ ਹੈ; ਘੰਟੇ ਤੁਹਾਡੇ ਕੇਸ ਮੈਨੇਜਰ ਤੈਅ ਕਰਦੇ ਹਨ। ਇਹ ਉਨ੍ਹਾਂ ਲੋਕਾਂ ਲਈ ਹੈ ਜੋ ਆਪਣੇ ਘਰ ਵਿੱਚ ਰਹਿੰਦੇ ਹਨ — ਸੀਨੀਅਰਜ਼ ਲੌਜ, ਅਸਿਸਟਿਡ ਜਾਂ ਸਪੋਰਟਿਵ ਲਿਵਿੰਗ, ਜਾਂ ਗਰੁੱਪ ਹੋਮ ਵਿੱਚ ਆਮ ਤੌਰ 'ਤੇ ਇਹ ਸਹੂਲਤ ਨਹੀਂ ਮਿਲਦੀ। #1 Right Care ਇੱਕ ਰਜਿਸਟਰਡ CDHCI ਹੋਮ ਕੇਅਰ ਏਜੰਸੀ ਹੈ, ਜੋ CDHCI ਦੇ ਮਨਜ਼ੂਰ ਹੋਏ ਘੰਟਿਆਂ ਦੇ ਬਿੱਲ Alberta Blue Cross ਨੂੰ ਭੇਜਦੀ ਹੈ।
ਕੀ ਮੈਨੂੰ ਕੋਈ ਪੈਸਾ ਦੇਣਾ ਪਵੇਗਾ?
ਮਨਜ਼ੂਰ ਹੋਏ ਘੰਟਿਆਂ ਦੀ ਅਦਾਇਗੀ ਸੂਬਾ ਸਰਕਾਰ ਦੀ ਤਰਫ਼ੋਂ Alberta Blue Cross ਕਰਦਾ ਹੈ — ਉਨ੍ਹਾਂ ਘੰਟਿਆਂ ਦਾ ਬਿੱਲ ਤੁਹਾਨੂੰ ਨਹੀਂ ਭੇਜਿਆ ਜਾਂਦਾ। ਸਾਡੀ ਹਰ ਵਿਜ਼ਿਟ ਘੱਟੋ-ਘੱਟ 2 ਘੰਟੇ ਦੀ ਹੁੰਦੀ ਹੈ, ਜਿਵੇਂ Alberta Blue Cross ਵਾਲੀ ਸਾਡੀ ਲਿਸਟਿੰਗ ਵਿੱਚ ਲਿਖਿਆ ਹੈ। ਵਿਜ਼ਿਟ ਦਾ ਘੱਟੋ-ਘੱਟ ਸਮਾਂ ਪੂਰਾ ਕਰਨ ਲਈ ਪ੍ਰੋਗਰਾਮ ਤੁਹਾਡੇ ਮਨਜ਼ੂਰ ਹੋਏ ਘੰਟੇ ਨਹੀਂ ਵਧਾਉਂਦਾ। ਜੇ ਤੁਹਾਡੇ ਕੇਅਰ ਪਲੈਨ ਵਿੱਚ ਇਸ ਤੋਂ ਘੱਟ ਸਮੇਂ ਦੀਆਂ ਵਿਜ਼ਿਟਾਂ ਹਨ, ਜਾਂ ਤੁਸੀਂ ਵਾਧੂ ਘੰਟੇ ਚਾਹੁੰਦੇ ਹੋ, ਤਾਂ ਅਸੀਂ ਤੁਹਾਡੇ ਨਾਲ ਮਿਲ ਕੇ ਸ਼ਡਿਊਲ ਤੈਅ ਕਰਾਂਗੇ, ਅਤੇ ਜੇ ਕੋਈ ਖ਼ਰਚਾ ਬਣਦਾ ਹੋਵੇ, ਤਾਂ ਦੇਖਭਾਲ ਸ਼ੁਰੂ ਹੋਣ ਤੋਂ ਪਹਿਲਾਂ ਉਹ ਤੁਹਾਨੂੰ ਲਿਖ ਕੇ ਦੇਵਾਂਗੇ।
ਮੇਰੀ ਅਜੇ ਅਸੈੱਸਮੈਂਟ ਨਹੀਂ ਹੋਈ — ਕੀ ਤੁਸੀਂ ਮਦਦ ਕਰ ਸਕਦੇ ਹੋ?
ਹਾਂ ਜੀ। ਸਾਨੂੰ 587.443.1888 'ਤੇ ਫ਼ੋਨ ਕਰੋ, ਅਸੀਂ ਤੁਹਾਨੂੰ ਸਾਰੀ ਗੱਲ ਕਦਮ-ਦਰ-ਕਦਮ ਸਮਝਾ ਦੇਵਾਂਗੇ। ਜਾਂ ਫਿਰ ਸਿੱਧਾ ਆਪਣੇ ਇਲਾਕੇ ਦੀ ਹੋਮ ਕੇਅਰ ਇਨਟੇਕ ਲਾਈਨ 'ਤੇ ਫ਼ੋਨ ਕਰੋ: ਐਡਮਿੰਟਨ 780-496-1300, ਕੈਲਗਰੀ 403-943-1920, ਰੈੱਡ ਡੀਅਰ ਅਤੇ ਸੈਂਟਰਲ ਅਲਬਰਟਾ 1-855-371-4122, ਲੈਥਬ੍ਰਿਜ 403-388-6380। ਇਹ ਫ਼ੋਨ ਤੁਸੀਂ ਖ਼ੁਦ ਕਰ ਸਕਦੇ ਹੋ। ਪ੍ਰੋਗਰਾਮ ਦੇ ਨਿਯਮਾਂ ਮੁਤਾਬਕ ਕੋਈ ਵੀ ਹੋਮ ਕੇਅਰ ਏਜੰਸੀ ਨਾ ਤਾਂ ਤੁਹਾਡੀ ਅਸੈੱਸਮੈਂਟ ਵੇਲੇ ਹਾਜ਼ਰ ਹੋ ਸਕਦੀ ਹੈ, ਨਾ ਹੀ ਇਹ ਅੰਦਾਜ਼ਾ ਲਾ ਸਕਦੀ ਹੈ ਕਿ ਤੁਹਾਨੂੰ ਕਿੰਨੇ ਘੰਟੇ ਮਿਲਣਗੇ; ਇਹ ਫ਼ੈਸਲਾ ਤੁਹਾਡੇ ਕੇਸ ਮੈਨੇਜਰ ਦਾ ਹੈ। ਜਦੋਂ ਤੁਹਾਡੇ ਘੰਟੇ ਮਨਜ਼ੂਰ ਹੋ ਜਾਣ, ਅਤੇ ਤੁਹਾਡੇ ਕੇਸ ਮੈਨੇਜਰ ਸਹਿਮਤ ਹੋ ਜਾਣ ਕਿ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਤੁਹਾਡੇ ਲਈ ਠੀਕ ਹੈ, ਤਾਂ ਤੁਸੀਂ ਸਾਨੂੰ ਆਪਣੀ ਹੋਮ ਕੇਅਰ ਏਜੰਸੀ ਵਜੋਂ ਚੁਣ ਸਕਦੇ ਹੋ।
ਦੇਖਭਾਲ ਕਿੰਨੀ ਜਲਦੀ ਸ਼ੁਰੂ ਹੋ ਸਕਦੀ ਹੈ?
ਜਿਉਂ ਹੀ ਤੁਹਾਡੀ CDHCI ਮਨਜ਼ੂਰੀ ਪੱਕੀ ਹੋ ਜਾਵੇ, ਆਮ ਤੌਰ 'ਤੇ ਸਾਨੂੰ ਚੁਣਨ ਤੋਂ ਬਾਅਦ ਕੁਝ ਦਿਨਾਂ ਦੇ ਅੰਦਰ ਦੇਖਭਾਲ ਸ਼ੁਰੂ ਹੋ ਜਾਂਦੀ ਹੈ। ਅਸੀਂ ਤੁਹਾਡੇ ਨਾਲ ਤੁਹਾਡਾ ਕੇਅਰ ਪਲੈਨ ਦੇਖਦੇ ਹਾਂ, ਤੁਹਾਨੂੰ ਘਰ ਆ ਕੇ ਮਿਲਦੇ ਹਾਂ, ਅਤੇ ਅਜਿਹਾ ਕੇਅਰਗਿਵਰ ਚੁਣਦੇ ਹਾਂ ਜੋ ਤੁਹਾਡੇ ਸ਼ਡਿਊਲ ਅਤੇ ਬੋਲੀ ਨਾਲ ਮੇਲ ਖਾਂਦਾ ਹੋਵੇ।
ਕੀ ਹੁਣ ਵਾਲੀ ਏਜੰਸੀ ਬਦਲ ਕੇ #1 Right Care ਨੂੰ ਚੁਣਿਆ ਜਾ ਸਕਦਾ ਹੈ?
ਜੇ ਤੁਹਾਨੂੰ ਪਹਿਲਾਂ ਹੀ CDHCI ਅਧੀਨ ਦੇਖਭਾਲ ਮਿਲ ਰਹੀ ਹੈ, ਤਾਂ ਹਾਂ ਜੀ — ਪ੍ਰੋਗਰਾਮ ਦੇ ਨਿਯਮਾਂ ਮੁਤਾਬਕ ਤੁਸੀਂ ਕਿਸੇ ਵੀ ਵੇਲੇ ਆਪਣੀ ਹੋਮ ਕੇਅਰ ਏਜੰਸੀ ਬਦਲ ਸਕਦੇ ਹੋ। ਆਪਣੇ ਕੇਸ ਮੈਨੇਜਰ ਨੂੰ ਖ਼ੁਦ ਦੱਸੋ ਕਿ ਤੁਸੀਂ #1 Right Care ਨੂੰ ਚੁਣਿਆ ਹੈ, ਅਤੇ ਜਿਉਂ ਹੀ ਤੁਹਾਡੀ ਮਨਜ਼ੂਰੀ ਪੱਕੀ ਹੋ ਜਾਵੇ, ਅਸੀਂ ਦੇਖਭਾਲ ਸ਼ੁਰੂ ਕਰ ਦੇਵਾਂਗੇ। ਜੇ ਇਸ ਵੇਲੇ ਤੁਹਾਡੀ ਦੇਖਭਾਲ ਦਾ ਪ੍ਰਬੰਧ ਤੁਹਾਡੇ ਕੇਸ ਮੈਨੇਜਰ ਕਰਦੇ ਹਨ, ਤਾਂ ਉਨ੍ਹਾਂ ਤੋਂ ਪੁੱਛੋ ਕਿ ਕੀ ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ ਤੁਹਾਡੇ ਲਈ ਠੀਕ ਹੈ; ਇਹ ਫ਼ੈਸਲਾ ਉਨ੍ਹਾਂ ਦਾ ਹੈ। ਉਨ੍ਹਾਂ ਨਾਲ ਤੁਹਾਡੀ ਗੱਲ ਤੋਂ ਪਹਿਲਾਂ, ਅਸੀਂ ਤੁਹਾਨੂੰ ਸਮਝਾ ਦੇਵਾਂਗੇ ਕਿ ਕੀ ਪੁੱਛਣਾ ਹੈ।
ਕੀ ਕੇਅਰਗਿਵਰ ਵਿਜ਼ਿਟ ਵਾਲੇ ਦਿਨ ਕੁਝ ਵੱਖਰਾ ਕਰ ਸਕਦਾ ਹੈ?
ਹਾਂ, ਤੁਹਾਡੇ ਮਨਜ਼ੂਰ ਹੋਏ ਕੇਅਰ ਪਲੈਨ ਦੇ ਅੰਦਰ ਰਹਿ ਕੇ। ਜੇ ਤੁਹਾਡਾ ਨਹਾਉਣ ਦਾ ਮਨ ਨਾ ਹੋਵੇ, ਤਾਂ ਤੁਹਾਡਾ ਕੇਅਰਗਿਵਰ ਨਿੱਜੀ ਦੇਖਭਾਲ ਦੇ ਉਨ੍ਹਾਂ ਹੋਰ ਕੰਮਾਂ ਵਿੱਚ ਮਦਦ ਕਰ ਸਕਦਾ ਹੈ ਜੋ ਤੁਹਾਡੇ ਕੇਸ ਮੈਨੇਜਰ ਨੇ ਮਨਜ਼ੂਰ ਕੀਤੇ ਹਨ, ਜਿਵੇਂ ਕੱਪੜੇ ਪਾਉਣ, ਖਾਣਾ ਖਾਣ, ਘਰ ਵਿੱਚ ਕਸਰਤ ਕਰਨ ਜਾਂ ਦਵਾਈ ਲੈਣ ਵਿੱਚ। ਜੇ ਤੁਹਾਡੇ ਕੇਅਰ ਪਲੈਨ ਵਿੱਚ ਘਰ ਦਾ ਕੰਮਕਾਜ ਹੈ, ਜਿਵੇਂ ਤੁਹਾਡਾ ਬਾਥਰੂਮ ਸਾਫ਼ ਕਰਨਾ ਜਾਂ ਕੱਪੜੇ ਧੋਣੇ, ਤਾਂ ਉਹ ਵਿਜ਼ਿਟ ਦਾ ਹਿੱਸਾ ਹੋ ਸਕਦਾ ਹੈ — ਇਹ ਨਿੱਜੀ ਦੇਖਭਾਲ ਜਾਂ ਰੈਸਪਿਟ ਕੇਅਰ ਦੇ ਨਾਲ ਹੀ ਹੁੰਦਾ ਹੈ, ਇਕੱਲਾ ਨਹੀਂ। ਹਰ ਕਿਸਮ ਦੀ ਦੇਖਭਾਲ ਦੇ ਆਪਣੇ ਵੱਖਰੇ ਮਨਜ਼ੂਰ ਹੋਏ ਘੰਟੇ ਹੁੰਦੇ ਹਨ। ਵਿਜ਼ਿਟ ਵੇਲੇ ਘਰ ਵਿੱਚ ਤੁਹਾਡਾ ਹੋਣਾ ਜ਼ਰੂਰੀ ਹੈ, ਅਤੇ ਪ੍ਰੋਗਰਾਮ ਦੇ ਨਿਯਮਾਂ ਮੁਤਾਬਕ ਅਸੀਂ ਹਰ ਕਿਸਮ ਦੀ ਦੇਖਭਾਲ ਦਾ ਸਮਾਂ ਦਰਜ ਕਰਦੇ ਹਾਂ।
ਕੀ ਤੁਸੀਂ ਮੇਰੇ ਵੱਲੋਂ ਮੇਰੇ ਕੇਸ ਮੈਨੇਜਰ ਨਾਲ ਗੱਲ ਕਰਦੇ ਹੋ?
ਨਹੀਂ ਜੀ। ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ (CDHCI) ਵਿੱਚ ਤੁਸੀਂ ਜਾਂ ਤੁਹਾਡਾ ਪਰਿਵਾਰ ਖ਼ੁਦ ਆਪਣੇ ਕੇਸ ਮੈਨੇਜਰ ਨਾਲ ਸੰਪਰਕ ਰੱਖਦੇ ਹੋ, ਅਤੇ ਤੁਹਾਡੇ ਕੇਸ ਮੈਨੇਜਰ ਤੁਹਾਡੀ ਸਿਹਤ ਬਾਰੇ ਜਾਣਕਾਰੀ ਸਾਡੇ ਨਾਲ ਸਾਂਝੀ ਨਹੀਂ ਕਰ ਸਕਦੇ — ਇਸ ਲਈ ਕਿਰਪਾ ਕਰਕੇ ਆਪਣਾ ਕੇਅਰ ਪਲੈਨ ਸਾਡੇ ਨਾਲ ਸਾਂਝਾ ਕਰੋ। ਤੁਹਾਡੇ ਫ਼ੋਨ ਕਰਨ ਤੋਂ ਪਹਿਲਾਂ, ਅਸੀਂ ਤੁਹਾਨੂੰ ਸਮਝਾ ਦੇਵਾਂਗੇ ਕਿ ਉਨ੍ਹਾਂ ਤੋਂ ਕੀ ਪੁੱਛਣਾ ਹੈ। ਜੇ ਤੁਹਾਡੀਆਂ ਲੋੜਾਂ ਬਦਲ ਜਾਣ, ਤੁਸੀਂ ਕੁਝ ਸਮੇਂ ਲਈ ਘਰੋਂ ਬਾਹਰ ਜਾ ਰਹੇ ਹੋਵੋ, ਜਾਂ ਹਸਪਤਾਲ ਵਿੱਚ ਦਾਖ਼ਲ ਹੋ ਜਾਓ, ਤਾਂ ਆਪਣੇ ਕੇਸ ਮੈਨੇਜਰ ਨੂੰ ਖ਼ੁਦ ਦੱਸੋ। ਜਦੋਂ ਤੁਸੀਂ ਹਸਪਤਾਲ ਵਿੱਚ ਹੁੰਦੇ ਹੋ, ਉਦੋਂ ਦੀ ਦੇਖਭਾਲ CDHCI ਵਿੱਚ ਸ਼ਾਮਲ ਨਹੀਂ ਹੁੰਦੀ, ਅਤੇ ਵਿਜ਼ਿਟਾਂ ਦੁਬਾਰਾ ਸ਼ੁਰੂ ਹੋਣ ਤੋਂ ਪਹਿਲਾਂ ਤੁਹਾਡੇ ਕੇਸ ਮੈਨੇਜਰ ਨੂੰ ਤੁਹਾਡੀ CDHCI ਮਨਜ਼ੂਰੀ ਦੁਬਾਰਾ ਪੱਕੀ ਕਰਨੀ ਪੈਂਦੀ ਹੈ। ਜੇ ਸਾਨੂੰ ਕੋਈ ਬਦਲਾਅ ਨਜ਼ਰ ਆਵੇ, ਅਸੀਂ ਤੁਹਾਨੂੰ ਦੱਸਾਂਗੇ, ਤਾਂ ਜੋ ਤੁਸੀਂ ਖ਼ੁਦ ਆਪਣੇ ਕੇਸ ਮੈਨੇਜਰ ਨਾਲ ਇਸ ਬਾਰੇ ਗੱਲ ਕਰ ਸਕੋ।
ਕੀ ਮੇਰੇ ਕੇਸ ਮੈਨੇਜਰ AHS ਦੇ ਹਨ ਜਾਂ Assisted Living Alberta ਦੇ?
ਹੋਮ ਕੇਅਰ ਹੁਣ Alberta Health Services ਦੀ ਥਾਂ Assisted Living Alberta ਅਧੀਨ ਆ ਗਈ ਹੈ। ਹੋ ਸਕਦਾ ਹੈ ਤੁਹਾਡੀਆਂ ਚਿੱਠੀਆਂ ਵਿੱਚ ਅਤੇ Alberta Blue Cross ਦੀ ਵੈੱਬਸਾਈਟ 'ਤੇ ਅਜੇ ਵੀ AHS ਲਿਖਿਆ ਹੋਵੇ — ਨਾਂ ਭਾਵੇਂ ਕੋਈ ਵੀ ਲਿਖਿਆ ਹੋਵੇ, ਹੋਮ ਕੇਅਰ ਕੇਸ ਮੈਨੇਜਰ ਵੀ ਉਹੀ ਹਨ ਅਤੇ ਪ੍ਰੋਗਰਾਮ ਵੀ ਉਹੀ ਹੈ।
ਔਖਾ ਕੰਮ ਤਾਂ ਤੁਸੀਂ ਕਰ ਲਿਆ ਹੈ। ਮਨਜ਼ੂਰ ਹੋਈ ਦੇਖਭਾਲ ਕਿਵੇਂ ਹੋਵੇ, ਇਹ ਤੁਸੀਂ ਤੈਅ ਕਰਦੇ ਹੋ; ਦੇਖਭਾਲ ਅਸੀਂ ਦਿੰਦੇ ਹਾਂ ਅਤੇ ਬਿੱਲਾਂ ਦਾ ਕੰਮ ਵੀ ਅਸੀਂ ਸੰਭਾਲਦੇ ਹਾਂ।
ਕਲਾਇੰਟ ਦੀ ਚੋਣ ਵਾਲੀ ਹੋਮ ਕੇਅਰ ਲਈ ਮਨਜ਼ੂਰੀ ਮਿਲ ਚੁੱਕੀ ਹੈ? #1 Right Care ਨੂੰ ਚੁਣੋ ਅਤੇ ਆਪਣੀ ਮਨਜ਼ੂਰੀ ਦੀ ਚਿੱਠੀ ਸਾਨੂੰ ਭੇਜ ਦਿਓ। ਪਹਿਲਾਂ ਕੁਝ ਪੁੱਛਣਾ ਹੈ? ਉੱਪਰ ਵਾਲਾ ਫ਼ਾਰਮ ਭਰ ਕੇ ਸਾਨੂੰ ਭੇਜੋ, ਅਤੇ ਸਾਡਾ ਇੱਕ ਕੋਆਰਡੀਨੇਟਰ ਤੁਹਾਨੂੰ ਵਾਪਸ ਫ਼ੋਨ ਕਰੇਗਾ।
#1 Right Care ਨੂੰ ਚੁਣੋ